26

ബോളിവുഡിന്‍റെ പ്രിയങ്കരി നഫീസ അലി മലയാളിക്കും സുപരിചിതയായ താരമാണ്. മമ്മൂട്ടി നായകനായ ബിഗ് ബി എന്ന ചിത്രത്തിലെ മേരി ജോൺ കുരിശിങ്കൽ എന്ന ശക്തമായ കഥാപാത്രം ചലച്ചിത്രാസ്വാദകരുടെ മനസിൽ എന്നും നിലനിൽക്കും. 1976ൽ, തന്‍റെ പത്തൊന്പതാം വയസിൽ മിസ് ഇന്ത്യയായി തെരഞ്ഞെടുക്കപ്പെട്ട നഫീസ ഒരു തലമുറയുടെ സ്വപ്നസുന്ദരിയായിരുന്നു.

വാർത്തകളിൽ നിറഞ്ഞുനിന്നിരുന്ന താരം അസുഖബാധിതയായതിനെത്തുടർന്ന്, പൊതുമധ്യത്തിൽ അത്ര സജീവമായിരുന്നില്ല. ഇപ്പോൾ, കാൻസറിന്‍റെ നാ​ലാം ഘ​ട്ട​ത്തി​ലും വ​റ്റാ​ത്ത ആ​ത്മ​വി​ശ്വാ​സ​വു​മാ​യി നഫീസ അലി നടത്തിയ ട്രെക്കിംഗ് വാർത്തയാണ് താരത്തെ സ്നേഹിക്കുന്നവർ പ്രാർഥനയോടെ ഏറ്റെടുത്തത്. 69 വയസ് പിന്നിടുന്പോഴും രോഗാവസ്ഥയോടു പോ​രാ​ടി ഹി​മാ​ച​ൽ പ്ര​ദേ​ശി​ലെ റോ​ഹ്താംഗിൽ പ​തി​നൊ​ന്നാ​യി​രം അ​ടി ഉ​യ​ര​മു​ള്ള മ​ല​നി​ര​ക​ൾ കീ​ഴ​ട​ക്കി​യി​രി​ക്കു​ക​യാ​ണ് ഈ ​മു​ൻ മി​സ് ഇ​ന്ത്യ. കീ​മോ​തെ​റാ​പ്പി​ക​ൾ​ക്കു വി​ധേ​യ​യാ​യി​ക്കൊ​ണ്ടി​രി​ക്കെ​യാ​ണ് കു​ടും​ബ​ത്തോ​ടൊ​പ്പം ന​ഫീ​സ ​സാ​ഹ​സി​കയാ​ത്ര ന​ട​ത്തി​യ​ത്.